قاضی قیصر الاسلام نے فلسفے پر جو کام کیا وہ ان کی پہچان بن گیا۔ فلسفے پر اپنی معروف کتابوں کی اشاعت کے بعد بھی وہ فلسفے پر کام کرتے رہے۔مختلف رسائل و جرائد میں ان کے مضامین  شائع ہوئے۔

          زیر ِ نظر  کتاب میں قاضی قیصر الاسلام کے بعض ایسے مضامین شامل ہیں جو نہایت اہم فلسفیانہ موضوعات پر ہیں ا ورعام طور پر ان موضوعات پر بہت کم لکھا جاتاہے۔ قاضی صاحب اپنے موضوع پر مکمل عبور رکھتے ہیں۔قدیم و جدید فلسفے کا جیسا شعور ان کے ہاں پایا جاتا ہے،اس کی مثال کم ہی ملے گی۔ان  کااسلوب سلیس اور رواں ہے۔انھوں نے فلسفے کے  نسبتاً خشک مباحث  کو بڑی   سلاست   اور روانی سے بیان کیا ہے۔ان کی تحریر میں الجھاؤ نہیں،منطقی استدلا ل ملتا ہے۔یہ کتاب فلسفے سے شغف رکھنے والوں کے لیے کسی نعمت سے کم نہیں ہے۔