مولانا حامد حسن قادری ہمارے ادب کا ایک بہت بڑا نام ہے۔ انھوں نے نصف صدی سے زیادہ عرصے تک اردو زبان کی جو خدمت کی ہے، وہ ہماری ادبی تاریخ کاایک روشن باب ہے۔ وہ بیک وقت بلند پایہ  محقق ،نقاد،ادبی مورخ ،شاعر ،تاریخ گو،مترجم اور مکتوب نگار تھے۔ اُن  کی ادبی یادگاروں میں ”داستان ِتاریخ اردو“ اپنی نوعیت کی بے مثال کتاب ہے۔

غالب بھی مولانا کی دل چسپی کا ایک خاص موضوع ہے۔ لیکن اس موضوع سے متعلق اُن کی تحریریں مختلف کتابوں اور رسالوں میں بکھری ہوئی ہیں اور کبھی کتابی صورت میں یک جا نہیں کی گئیں۔ ادارۂ یادگارغالب کی درخواست  پر مولانا کے فرزند ڈاکٹر خالد حسن قادری نے ان تحریروں کو مرتب فرما دیا ہے اور یہ پہلی بار کتابی صورت میں شائع ہورہی ہے۔