قراان کریم کا ترجمہ بہت نازک اور حساس کام ہے۔اسی طرح ان تراجم کا علمی جائزہ بھی حد درجہ احتیاط اور چند خاص علوم پر گہری نظر کا متقاضی ہے۔پروفیسر ڈاکٹر محمد سلیم خالد صاحب نہ صرف متعلقہ علوم و مآخذات پر نظر رکھتے ہیں بلکہ انھوں نے  اس مقالے کی تیاری میں احتیاط اور ادب کو ملحوظ رکھا ہے۔یہاں یہ وضاحت ضروری معلوم ہوتی ہے کہ اس کتاب میں کسی طرح کی مذہبی یا فرقہ وارانہ بحث نہیں ہے اور اس کے مندرجات صرف علمی،تحقیقی اور لسانی و لغوی مباحث تک محدود ہیں۔

شاہ عبدالقادر کے قرآن کریم کے ترجمے پر اس اہم علمی کام کی اشاعت ادارے کے لیے سعادت ہے۔