ء1968 میں اپنے قیام سے لے کر آج تک ادارۂ یادگار غالب نے  اشاعتی سرگرمیوں کوجاری رکھا ہے۔ اس ادارے کے قیام اور اس کے زیر اہتمام چلنے والی غالب لائبریری نے شہر کراچی کی تہذیبی وثقافتی زندگی کوبالیدگی اور شعور فراہم کرنے میں نمایاں کردار ادا کیا ہے۔

ادارے کی اشاعتی سرگرمیوں کے سلسلے میں اس کے ادبی مجلے”غالب“ نے بھی علمی وادبی دنیا میں بہت پذیرائی حاصل کی۔ اس میں اہم علمی اور تحقیقی موضوعات پر خاصے کے مضامین و مقالات شائع ہوچکے ہیں۔ ان مقالات میں کافی تعداد میں غالب، اس کے فن اور شخصیت پر بھی علمی وتحقیقی مقالات شامل ہیں۔

انھی مقالات میں سے منتخب مضامین منتخب مضامین پر مشتمل کتاب ”احوال غالب“پیش کی جارہی ہے۔قند مکرر کے طورپر یہ مقالات دیکھے اُن کے معیار کا اندازہ مصنفین کے ناموں سے لگائیے۔جن میں ڈاکٹر آفتاب احمد خان، ڈاکٹر نثار احمد فاروقی، ڈاکٹر گیان چند ،سید قدرت نقوی، ڈاکٹر حنیف نقوی، شان الحق حقی، ڈاکٹر مختار الدین احمد وغیرہ شامل ہیں۔