زیر نظر تصنیف فاضل اجل حکیم ڈاکٹر محمود برکاتی صاحب کی محنت شاقہ کا نتیجہ ہے۔حکیم صاحب اس کتاب کے موضوع پر ایک استناد کادرجہ رکھتے ہیں اوران کی اس موضوع پر ایک سابقہ تصنیف ”شاہ ولی اللہ اوران کے خاندان“ہمارے علمی وتحقیق ذخیرے میں بیش بہا اضافہ سمجھی گئی ہے۔ زیر نظر تصنیف میں حکیم صاحب نے اپنے اس موضوع کو مزید وسعت دی ہے اور نہایت وقیع اور ناگزیر مآخذ کی مدد سے بے حد اہم انکشافات کیے ہیں اور قیمتی معلومات کا خزانہ اہل علم کی خدمت میں پیش کیا ہے۔ادارہ اس تصنیف کی اشاعت کو اپنے لیے فال نیک سمجھتا ہے۔یقین ہے کہ قارئین اس کتاب سے خاطر خواہ استفادہ فرمائیں گے ۔