یہ میرے دوست ہیں اور امیر احمد ان کا نام ہے اور امیر تخلص کرتے ہیں۔ لکھنؤ کے ذی عزت باشندوں میں ہیں اور وہاں کے بادشاہوں کے روشناس اور مصاحب رہے ہیں اور اب وہ رام پور میں نواب صاحب کے پاس ہیں۔ ان کی غزلیں تمھارے پاس بھیجتا ہوں ۔

 (مرزا اسد اللہ خاں غالب، مکتوب بنام منشی شیو نرائن آرام، مورخہ ۱۲ /جون ، ۱۸۵۹ء)

سب لوگ جانتے ہیں کہ اس کے مصنف شاعر بے مثال ، موصوف ہمہ صفت، امیر احمد صاحب امیر مینائی لکھنوی استاد نواب کلب علی خاں مرحوم ۔۔۔ ہیں۔ ان کے اوصاف و کمالات شاعری ان کے کلام سے ظاہر ہیں۔

( سرسید احمد خان، امیر مینائی کی تالیف امیر اللغات پر تبصرہ ، ۱۸۹۱ء)

منشی امیر احمد صاحب نے ملک و قوم پر بڑا احسان کیا ہے کہ ایک جامع لغت اردو کی تالیف کی محنت گوارہ کی ہے۔

(اکبر الہ آبادی، تبصره بر امیر اللغات )

 عجیب شے ہے صنم خانہ امیر اقبال

 میں بت پرست ہوں رکھ دی کہیں میں میں نے

(علامہ اقبال ،امیر مینائی  کے دیوان دوم صنم خانہ عشق پر اظہار خیال )