اردو کے اہل تحقیق میں ڈاکٹر اکبر حیدری کا کام معیار اور مقدار دونوں کے اعتبار سے مثالی حیثیت رکھتا ہے۔ جہاں تک غالب کی بات ہے ،تو اس  حوالے سے ڈاکٹر حیدری نے درجنوں مقالات لکھے ہیں جو مختلف علمی جریدوں میں بکھرے ہوئے ہیں یا تاحال غیر مطبوعہ ہیں۔ان کی افادیت کے پیش نظر ادارہ ٔیادگار غالب کی طرف سے اُن سے درخواست کی گئی کہ وہ ان مقالات کو کتابی صورت میں یکجا کردیں توان سے استفادے کا دائرہ وسیع ہوگا۔ اس گزارش کے جواب میں انھوں نے جو مضامین ارسال فرمائے،انھیں مندرجہ ذیل دو مجموعوں کی صورت میں شائع کیا جارہا ہے:

نوادرِ غالبیات

غالبیات کے چند فراموش گوشے

ان دونوں مجموعوں میں حیات وآثار غالب اور معاصرین ومتعلقین غالب کے بارے میں جو معلومات ملتی ہیں، وہ شاید ہی کسی دوسری جگہ دستیاب  ہوں۔ امید ہے ان دونوں کتابوں کی اشاعت سے غالب پر مزید کام کرنے کی راہ ہموار ہوگی۔