ارشد محمود ناشاد نے بابا فرید گنج شکر کے منتخب اشلوک کا منظوم ترجمہ کرکے ایک بات یہ ضرور ثابت کی ہے کہ اشلوک کی زبان اور اردو منظوم کلام میں باطنی شناسائی برابر موجود ہے ورنہ ترجمہ اس قدر آسانی سے دو لسانی صورتوں کے درمیان ظاہر نہ ہوتا۔ ارشد محمود ناشاد کے منظوم ترجمے میں بڑی روانی ہے اور اس ترجمے کو پڑھ کر اشلوک کے معانی کی قریب ترین معرفت بھی حاصل ہوتی ہے۔ میں ذاتی طورپراس منظوم ترجمے کا خیر مقدم کرتاہوں اور ارشد محمود ناشاد کی محنت کی باریابی کے لیے دعاگو ہوں۔          (پروفیسر جیلانی کامران)

          ناشاد صاحب کی اشلوک بابا فرید کے  منتخب اشعار کو  اردو میں ڈھالنے کی کوشش قابل قدر وستائش ہے ۔اس سے وہ لوگ بھی فائدہ اٹھا سکیں گے جن کی مادری زبان اردو ہے اور وہ بھی جو پنجابی زبان کے صدیوں پرانے اسلوب ہی سے نہیں صدیوں پہلے کے نامانوس الفاظ سے ناآگاہ ہیں۔ منظوم اشلوکوں کا منظوم ترجمہ ایک مفید اقدام ہے۔          (پروفیسر شریف کنجاہی)