اردو نثر کی مختلف ادبی  اصناف پر لکھے گئے یہ مضامین و مقالات نہ صرف تاریخی،تحقیقی و تنقیدی جائزے ہیں بلکہ طلبا و طالبات کی نصابی ضروریات کو بھی پورا کرتے ہیں۔ان کی اشاعت کا مقصد ادب کے طالب علموں کو  صرف امتحان پا س کرنے میں مدد دینا نہیں ہے بلکہ ان کو جمع  اور مرتب کرنے کا ایک اہم مقصد طلبہ کی رہ نمائی بھی ہے کہ وہ ان نثری اصناف کے بڑے اور اہم لکھنے والوں کے بنیادی کاموں سے واقف ہو جائیں اور خود اپنے طور پر ان کی تحریروں کا مطالعہ کریں۔

یہ کتاب یوں تو خالصتاً علمی اور تحقیقی کتاب ہے اور بعض اہم لکھنے والوں کے اہم مقالات پر مشتمل ہے۔لیکن اس سے تدریسی اور نصابی ضروریات کی تکمیل میں بھی آسانی ہوگی۔